Automatizacións con IA

Que as tarefas repetitivas se fagan soas

Deseñamos automatizacións con IA que conectan as ferramentas que xa usas. Len, clasifican, sacan datos, redactan borradores e avisan, e déixanlle ao teu equipo o que precisa criterio.

Pregúntanos por WhatsApp

Para quen é

Equipos que pasan datos a man dun programa a outro
Empresas que reciben moitos correos, pedidos, facturas ou formularios
Negocios que preparan os mesmos informes cada semana
Quen xa sabe que quere automatizar (se non, mellor comezar polo diagnóstico)

Que inclúe

Deseño á medida

Partimos de como traballades hoxe, non dun modelo xenérico.

Conexión coas túas ferramentas

Gmail ou Outlook, Google Workspace ou Microsoft 365, follas de cálculo, o teu CRM, o teu ERP ou o teu programa de facturación.

IA onde achega

Para entender textos, sacar datos de documentos, clasificar ou redactar borradores. Non a poñemos onde non fai falta.

Revisión humana

O delicado pasa por unha persoa antes de enviarse ou gardarse.

Avisos se algo falla

Decatámonos nós e arranxámolo. Ti non tes que vixiar nada.

Documentación

Explicámosche que fai cada automatización e deixámosche todo por escrito.

Como funciona

Eliximos un proceso

O que máis tempo vos quita ou máis erros dá. Mellor comezar por un e facelo ben.
Construímolo

Conectamos as ferramentas, engadimos a IA onde achega e deixámolo listo para probar.
Probádelo

Con casos reais e xunto a quen fai hoxe esa tarefa, ata que funciona como esperades.
Mantémolo

Vixiámolo, axustámolo cando cambia algo e propoñémosche o seguinte paso.

Exemplos do que se pode automatizar

Facturas de provedores

Chega unha factura por correo; a IA saca provedor, data, importe e IVE e déixaa lista no teu programa ou nunha folla.

Pedidos e orzamentos

As peticións que chegan por correo ou pola web ordénanse, rexístranse no teu CRM e saen cun borrador de resposta.

Caixa de entrada

Cada correo clasifícase por tema e urxencia e chega a quen ten que contestalo.

Informe semanal

Cada luns, un resumo de vendas, citas ou incidencias no teu correo, sen preparar nada.

Preguntas frecuentes

Con que ferramentas traballades?

Con n8n para conectar programas e con modelos de IA como Gemini, Claude ou ChatGPT, segundo o caso. Se o teu programa ten conexión (API) ou exporta datos, case sempre se pode automatizar.

E se a IA se equivoca?

Por iso deseñamos con revisión humana no importante e con avisos cando algo non cadra. A IA propón; o delicado confírmao unha persoa.

Onde funciona?

Nun servidor que xestionamos nós ou no da túa empresa, como prefiras. Sempre che dicimos que provedores interveñen e onde están os datos.